Dowladda Kenya oo Joojisay Xaflad lagu Soo dhaweyn lahaa C/raxmaan C/shakuur

0 184

Wararka naga soo gaaraya Magaalda Nairobi ee Caasimadda dalka Kenya ayaa waxa ay sheegayaan in dowladda Kenya ay joojisay Xaflad lagu soo dhaweyn lahaa Siyaasiga Cabdiraxmaan Cabdishakuur Warsame.

Xafladdaan ayaa waxaa soo qabanqaabiyay qaar ka mid ah Jaaliyadda Soomaaliyeed ee kunool dalka Kenya.

Cabdiraxmaan Cabdi Shakuur Warsame ayaa ah guddoomiyaha Xisbiga Wadajir, waxaana lagu waday in Xafladda la qabto 1: 00 Duhurnimo ee maanta kana dhici laheyd Fagaaraha Sir Cali Muslim Club oo ku yaalla Magalada Nairobi ee dalka Kenya.

Dowladda Soomaaliya ayaa dhawaan xayiraadii dhanka Safarka ka qaaday Siyaasiga C/raxmaan C/shakuur Warsame ,kasoo horay loogu amray in uusan ka bixi karin Magaalada Muqdisho.

C/raxmaan C/shakuur Warsame ayaa 17-kii bishii December ciidamo ka tirsan Nabadsugida ay weerareen gurigiisa, waxaana halkaasi lagu dilay Ilaaladiisii, taasoo muran badan ka dhex dhalisay dowladda Soomaaliya.

C/raxmaan C/shakuur oo horay u soo noqday Wasiir iyo Musharax Madaxweyne ayaa ah nin cod kar ah, si aad ah u dhaliila dowladda uu hoggaamiyo Madaxweyne Farmaajo, waxaa uu bartiisa Facebook iyo Twitter-ka u adeegsadaa gudbinta afkaartiisa siyaasadeed, waxaa tiro dhowr jeer ay hey’adaha ammaanka ka hakiyeen kulamo siyaasadeed uu qaban lahaa.

You might also like More from author

Leave A Reply

Your email address will not be published.