Faahfaahin Khasaaraha ka dhashay dagaalkii Maanta ka dhacay Sool

0 252

Ugu yaraan 5 qof oo dhinacyadii dagaallamayey ka tirsan ayaa la xaqiijiyey in ay ku dhinteen, tiro intaa ka badanna ay ku dhaawacmeen dagaal saaka barqadii ka qarxay degaan ka tirsan gobolka Sool.
Dagaalka oo ilaa goor dhow oo duhurkii ah ka socday halka lagu magacaabo Xoorre oo u dhow degmada Burtinle ee gobolka Nugaal ayaa salka ku haya degaan iyo aano qabiil.
Wararku waxay sheegayaan in hub culus oo tikniko ah ay labada dhinac isu adeegsadeen.
Khasaaraha dagaalka ka dhashay, kaasoo u dhaxeeya laba beelood, ayey dad goob joogeyaal ahi sheegayaan inuu aad u weyn yahay.
Waxaa kale oo jira warar sheegaya in dad rayid ah ay halkaa ka barakaceen.
Maalmo ka hor ayuu dagaal labada dhinac dhex maray galaaftay nolosha ilaa 10 qof.
Madaxweynaha Puntland, Cabdiweli Maxamed Cali Gaas, ayaa maalintii seddexaad u jooga degmada Burtinle sidii loo soo afjari lahaa dagaalka

You might also like More from author

Leave A Reply

Your email address will not be published.