Guddoomiye Mursal “Waxaan bixin doonaa xuquuqda ay leeyihiin Baarlamaanadii 8-aad iyo 9-aad (SAWIRRO

0 148

Guddoomiyaha Golaha Shacabka ee Baarlamaanka Federaalka Soomaaliya mudane Maxamed Mursal Sheekh C/raxmaan ayaa afur u sameeyay qaar ka mid ah xildhibaanada Baarlamaankii 8-aad iyo 9-aad.

Ujeedka kulanka ayaa ahaa mid uu guddoomiyaha kaga mahadcelinaayay xildhibaanada howlihii wanaagsanaa oo ay dalka ka soo qabtay iyo iney hada wada shaqeyn dhexmarto.

Xildhibaanada ayaa guddoomiyaha la wadaagay dhibaatooyinkii laga soo maray golahan iyo talooyinkooda la xiriira sida hada loo sii hormarin karo Golaha Shacabka.

Guddoomiyaha Golaha Shacabka ee Baarlamaanka Federaalka Soomaaliya mudane Maxamed Mursal Sheekh C/raxmaan ayaa marka hore xildhibaanada kaga mahadceliyay sida ay u soo ajiibeen kulanka afurka ee uu u sameeyay.

”Waad mahadsan tihiin soo dhawaada, sharaf weyn ayay ii tahay caawa inan isla afurno waqti badana isla qaadano, xaqiiqdii dalkan howlo muhiim ah ayaa ka soo qabateen, waqti adagna wa ku soo shaqeyseen waana idinkaga mahadcelinayaa doorkii aad ka soo qaadateen dib u yegleelida Baarlamaanka.” Ayuu yiri Maxamed Mural.

”Waxan joogteyn doonaa kulamadiina iyo inan dhageysto talooyinkiina, waxaa idiin balan qaadaya inan bixin doono xuquuqda iyo tixgelinta aad Golaha Shacabka ku leedihiin.” Ayuu mar kale yiri Guddoomiye Maxamed Mursal.

kulanka waxaa ka hadlay qaar ka mid ah Xildhibaanada Baarlamaankii 8-aad iyo 9-aad, waxa ayna Guddoomiyaha uga mahadceliyeen kulanka afurka ah ee uu u sameeyay.

Sidoo kale waxa ay Guddoomiyaha ku dhiira geliyeen in uu sii labo jibaaro dadaalka uu wado, iyo inuu ilaaliyo madax banaanida Golaha Shacabka.

kulankan uu Guddoomiyaha la qaatay xildhibaanada Baarlamaankii 8-aad iyo 9-aad ayaa qeyb ka ah kulamada isbarashada, xog wareysiga iyo latashiga uu la qaadanayo qeybaha kala duwan ee bulshada, siyaasiyiinta iyo wakiilada Beesha Caalamka ee Muqdisho ku sugan.

Kulanka afurka xalay waxaa goobjoog ka ahaa Habdhowraha Golaha Shacabka mudane Xildhibaan Maxamed C/laahi Xasan (Nuux) iyo Xoghayaha guud ee Golaha Shacabka Mudane C/kariin Xaaji Cabdi (Buux).

You might also like More from author

Leave A Reply

Your email address will not be published.