Hay’adda Ifraax Foundation oo Muqdisho ku qabatay dood ku saabsan dhibaatada gudniinka Fircowniga+Sawirro

0 1,049

Aqoon isweedaarsi ku saabsan joojinta gudniinka fircooniga ah oo ay soo qaban qaabisay hay’adda Ifraax Foundation oo kaashanaysa  wasaaradda haweenka Soomaaliya iyo hay’adda Orchid Project ayaa waxaa ka qeybgalay, wasiirka diinta iyo awqaafta Soomalaiya C/qaadir Sheekh Cali Baqdaadi, xeer ilalaiyaha guud ee qaranka, wasiir kuxigeenka warfafinta mudane C/laahi Colaad Rooble, wasiir kuxigenka haweenka Muumino Sheekh Cumar’qeybaha kala duwan ee bulshada rayid iyo  xubno ka socday Maamul goboleedyada.

Ka qeybgalayaasha ayaa ka dooday caqabadaha gudniinkan fircowniga ah  iyaga oo ka eegaya dhinacyada Shareecadda Islaamka iyo xuquuq Aadanaha heer Qaran iyo heer Caalami si loo fahmo dhibaatooyinka uu leeyahaya gudniinka fircowniga ah.

Ifraax Macalin Axmed oo ah guddoomiyaha hay’adda Ifraax Foundation oo soo qaban qaabisay barnaamijkani   ayaa ka hadashay ahmiyadda barnaamijkaan uu u leeyahay Haweenka ayaa tiri “Gudniinka fircooniga ah, waxa uu dhibaato caafimaad xumo uu ku yahay Haweenka oo la dhibtooda xanuunka gudniinka marka ay dhalayaan” ayuuy

Wasiir kuxigeenka warfafinta mudane C/laahi Colaad Rooble iyo wasiir kuxigenka haweenka Muumino Sheekh Cumar oo ka hadlay kulankaasi ayaa dhankoodi ka hadlay arimaha laxiriira gudniinka fircowniga ah ayagoo muujiyay ahmiyadda ay leedahay in bulshadu ay fahamto dhibaatooyinka gudniinka fircowniga ah uu leeyahay.

Xeerilaaliyaha guud ee Qaranka Dr Axmed Cali Daahir ayaa sheegay in dib u eegista Xeerka ciqaabta ay ku dari doonaan qorshaha lagu mamnuucayo gudniinka fircooniga.

Dalka hadda malaha qanuun si rasmiya u mamnuucaya gudniinka fircooniga ah, hase ahaatee waxaan ku dari doonaa dib u eegista Xeerka ciqaabta Soomaaliyeed.”

Wasiirka Awqaafta iyo arrimaha Diinta C/qaadir Sheikh Cali (Baqdaadi) ayaa sheegay  in ay tahay in Gudniinka Haweenka lagu saleeyo shareecadda Islaamka.

Warbixin ay soo saartay Hay’adda UNICEF ee QM Sanadkaan ayey ku sheegtay in tirade Haweenka adduunka ee maray Gudniinka Fircooniga ay gaareyso 200 oo Milyan, iyada oo Soomaaliya ay safka hore kaga jirto dalalkaasi.

1 2 4 5 6 7 9 10 11 12 13 14 16

You might also like More from author

Leave A Reply

Your email address will not be published.