Lamaane aroos ah oo loo xiray inay jebiyeen bandowga Coronavirus.

0 209

Booliska Koonfur Afrika ayaa xabsiga u taxaabay lamaane aroos ah, Baadari iyo dhammaan 40 qof oo kasoo qeybgalay xaflad aroos ah oo ka dhacday gobolka KwaZulu Natal ee dalkaas.

Dadkan ayaa lagu eedeeyay inay jebiyeen xeerarka adag ee looga hortaggayo faafitaanka cudurka Corona ee gudaha dalkaas.

Warbaahinta eNCA ee kasoo baxda Koonfur Afrika ayaa baahisay sawir muujinaya aroosadda oo labisan xilli ay booliska xirayeen.

Waxaana loo heystaa sababta ay u qabsadeen munaasabadda dadkaasi badan ay kasoo qeybgaleen maadaama la mamnuucay in dadka ay tegaan goobaha isu imaatinka si looga hortaggo cudurka Covid-19.

Dhammaan dadkii ka qeybgalay munaasabadda arooska ayaa la geeyay saldhigga booliska ee ku yaalla agagaarka Richards Bay, waxaana la filayaa maanta inay maxkamad kasoo hor muuqdaan.

Koonfur Afrika waxay xaqiijisay 1,655 qof oo uu ku dhacay Coronavirus halka 11 qof ay u dhinteen.

You might also like More from author

Leave A Reply

Your email address will not be published.