Maamulka Puntland oo cambaareyey weerarkii loogaystay shaqaalaha Qaramada Midobay.

0 367

Eng. Cabdixakiim Cabdullaahi Xaaji  oo ah Madaxweyne ku xigeenka Maamul goboleedka Puntland   ayaa cambeerayay qarax saakay 8:00 subaxnimo la labeegsaday shaqaale katirsan Qaramada Midoobay isugu jiray Ajanabi iyo Soomaali, kuwaasi oo ku sugnaa meel ku dhow  xarunta Hay’adda FAO ee magaalada Garowe.

Madaxwene ku xigeenka ayaa booqday goobta uu ka dhacay qaraxaan waxaana uu uga sii gudbay cisbitaalka weyn ee Magaalada Garoowe, halkaas oo la gaarsiyay  dhaawacydada iyo dadka dhintay.

Eng. Cabdixakiim Cabdullaahi Xaaji ayaa si deg deg ah ku magacaabayGudi baaritaan rasmi ah ku sameeya dhacdadan

Gudiga ayaa  ka kooban Wasiiro iyo Taliyaal ciidan waxayna kala yihiin

1: Wasiirka Aminga Dawladda Puntland Xassan Cismaan Maxamuud Aloore

2: Wasiirka Warfaafinta ee Dawladda Puntland Cabdiweli Xirsi Cabdulle

3: Wasiir Dawlaha caafimaadka Dawladda Puntland Cabdullaahi Jaamac Cali

4: Taliyaha ciidamada Booliska Puntland Gen. Maxamed Saciid Jaqanaf

5: Taliyaha Nabadsugida Puntland Cor. Cabdullaahi

Dawladda waxay si buuxda u cadaynaysaa inaan falkaan wax saamayn ah ku yeelanayn amniga iyo kala-dambeynta wanaagsan ee kajirta Puntland, xaalada magaalada Garoowana ay tahay mid caadi ah, islamar ahaantaana ciidanka Amniga Puntland si dar dar leh ay u wadaan baaritaano xoogleh oo ku aadan dhacdadaas.ayuu yiri Madaxweyne ku xigeenka Puntland

You might also like More from author

Leave A Reply

Your email address will not be published.