MW Koonfur Galbeed Oo Ku soo Laabtay Baydhabo Iyo Doorasho Bilaabaneysa

0 87

Madaxweynaha Dowlad Goboleedka Koonfur Galbeed Mudane Cabdicasiis Xasan Maxamed Lafta gareen iyo Wafdi uu Hogaaminayo ayaa Maanta Dib ugu so laabtay Magaalada Baydhabo ee Xarunta Gobolka Baay ka dib Safar uu ku Tagay Magaalada Istanbuul ee Dalka Turkey iyo Caasimada Dalka ee Magaalada Muqdisho.

Madaxweynaha dowlad Goboleedka Koonfur Galbeed Soomaaliya Cabdicaiis Xasan Maxamed Lafta-gareen oo maalmihii lasoo dhaafay ku sugnaa Magaalada Muqdisho ayaa saakay dib ugu laabtay Magaalada Baydhabo.

Madaxweyne Lafta-gareen ayaa waxaa Garoonka diyaaradaha kusoo dhaweeyay Mas’uuliyiin kala duwan oo ka tirsan Maamulkiisa iyo qeybaha Bulshada oo lagu sii diyaariyey gudaha Garoonka.

Sababta uu dib ugu laabtay Madaxweyne Lafta-gareen, Baydhabo ayaa waxaa ay tahay sida la sheegay in Maamulka Koonfur Galbeed uu bilaabi doono qabashada doorashada Xildhibaanada Aqalka Sare, xili muran xoogan uu ka taagan doorashada dalka.
Madaxweynaha Koonfur Galbeed ayaa qaatay door dhex dhexaadin ah, si loo xalliyo tabashooyinka jira, waxaana uu xiriiro la sameeyay Madaxda Puntland iyo Jubbaland Saciid Cabdullaahi Deni iyo Axmed Maxamed Islaam Axmed Madoobe.

Lafta-gareen ayaa Madaxweyneyaasha kala hadlay khilaafka ka tagaan doorashada iyo tabashooyinka ay qabaan, waxaana Madaxweyne Cabdicaiis uu sheegay in meel wanaagsan u marayo dadaalada u wado.

Go’aanka dhex-dhexaadinta ah ee uu qaatay Madaxweynaha Koonfur Galbeed ayaa waxaa uu ku gaaray kulankii dhexmaray isaga, Qoorqoor, Cali Guudlaawe iyo Midowga Musharaxiinta, kaasi oo looga hadlay caqabadaha ku hor gudban doorashada.

You might also like More from author

Leave A Reply

Your email address will not be published.