Shabaab oo Saacaddo maamulaayay degaano ku yaalla Kenya

0 144

Dagaalyahano ka tirsan Ururka Al-Shabaab ayaa Saacaddo kooban waxa ay maamulaayeen degaano ka tirsan gobolka Waqooyi ee dalka Kenya sidda ay xaqiijiyeen Hay’addaha Ammaanka dalka Kenya.

Degaanka lagu Magacaabo Komor Xayle oo ku yaalla Degmadda Mandhera oo u dhow Xuduudka Kenya la wadaagto Soomaaliya ayay Shabaab xalay galeen.

Shabaab ayaa dadka degaanka la hadlay,islamarkaana u jeediyay Khudbado Sidda ay xaqiijiyeen dadka degaanka.

Waxaa la sheegay in ay tageen goobo Iskuul iyo sidoo kale Masaajid ku yaalla degaankaasi,islamarkaana ay Bulshadda u sheegeen in ay gacanta ku hayaan degaanka.

Ciidamadii Booliska Kenya ee ku sugnaa degaankaasi ayaa goobta ka baxsaday, waxaana la sheegay in ay dib ugu laabteen Markii ay ka baxeen Al-Shabaab.

Al-Shabaab ayaa tan iyo Sanadkii 2011-kii Weeraro kala duwan ku qaadaayay degaano ku yaalla gobolka Waqooyi ee dalka Kenya.

You might also like More from author

Leave A Reply

Your email address will not be published.