Suxufiyiinta Puntland oo dacwad ka gudbiyay Wasiirka Warfaafinta

0 893

Suxufiyiinta Puntland ayaa dacwad ku furay Wasiirka Warfaafinta Maxamuud Xasan Soo-Cadde, kaasoo bishii la soo dhaafay Suxufiyiinta ugu hanjabayo dil iyo xabad, iyadoo maanta lagu wado in dhageysiga dacwada ka bilaabato Maxkamad ku taal Garowe

Guddoomiyaha Ururka Suxufiyiinta Puntland ee MAP Feysal Khaliif Barre ayaa in Wasiirka Warfaafinta uu had iyo jeer ku xadgudubo sharciga, isagoo xusay in xaalada wariyeyaasha Puntland ay khatar ku jirto.

“Waxaan furnay dacwad ka dhan ah wasiirka Warfaafinta Puntland, oo runtii dastuurka iyo sharciga ku tilmaamay waxba kama jiraan, sidoo kale yiri Wariyeyaasha waa dilayaa, xabad ayaa ku dhifanayaa, sidaas darteed khatar ayay ku jritaa xaalada wariyeyaasha Puntland, Maxkamadu waxaa geynay dacwadiisa oo aan uga cabaneyno sida uu sharciga ugu xadgudbay”ayuu yiri Guddoomiyaha Ururka Suxufiyiinta Puntland Feysal Khaliif Barre.

Sidoo kale waxaa uu nasal darro ku tilmaamay in Wasiirka uu had iyo jeer saxaafada handadaad iyo caga-jugleyn ku haayo, isla markaana maamulka Puntland aysan waxba ka qabaneyn.

Waxaa uu sheegay in dacwada maanta ka bilaabaneysa Maxkamada Garowe ay rajeynayaan inay ka soo baxdo natiijo wanaagsan

Warbaahinta Puntland ayaa la soo daristay cabsi iyo wal wal badan, kadib markii Maamulka Puntland uu bilaabay caburin, caga-jugleyn iyo xarig, iyadoo bishii la soo dhaafay la xiray Idaacada Daljir, balse markii dambe la sii daayay.

You might also like More from author

Leave A Reply

Your email address will not be published.