Taliyaha cusub ee NISA oo xilka la wareegay

0 203

Taliyaha cusub ee ciidamada Nabad Suggida iyo Sirdoonka Qaranka Soomaaliya Xuseen Cismaan Xuseen, ayaa maanta si rasmi ah ula wareegay xilka Taliska Sare ee Hay’adda Nabad Suggida Soomaaliya.

Munaasabad ka dhacday Xarunta Taliska Ciidamada NISA ee Habar Khadiijo, ayaa waxaa xilkii Taliyaha NISA si rasmi ah ula wareegay Taliyaha cusub oo maalin ka hor la soo magacaabay.

Wasiirka amniga Soomaaliya Maxamed Abuukar Islow Ducaale, Xildhibaano ka tirsan Baarlamaanka Soomaaliya iyo Wasiiro ayaa goobjoog ahaa madaxa xafladda xil wareejinta ay ka dhaceysay.

Taliyaha cusub ee Nabad Suggida Soomaaliya Xuseen Cismaan Xuseen, ayaa balan qaaday inuu la imaan doono hufnaan shaqo oo ku saleysan ad adeeg iyo isbedel la taaban karo.

Wasiirka amniga Soomaaliya Maxamed Abuukar Islow Ducaale ayaa ku booriyay Taliyaha cusub ee Nabad Suggida Soomaaliya inuu si wanaagsan u guto shaqadiisa, wuxuuna kula dardaarmay Saraakiisha NISA inay la shaqeeyaan hoggaanka cusub.

Nabad Suggida Soomaaliya ayaa muddooyinkii dambe waxaa Ku sime Taliye ka ahaa C/qaadir Maxamed Nuur (Jaamac) balse maanta si rasmi ah taliyaha cusub ayaa xilka ula wareegay.

You might also like More from author

Leave A Reply

Your email address will not be published.