Al-Shabaab oo Gacanta ku dhigay Tuulo ku dhow Gaarisa

Wararka ka imanaya tuulada Haluqa oo ka tirsan  degmada Gaarisa ee Kenya ayaa sheegaya in halkaasi ay galeen cutubyo ka tirsan ciidanka ururka Al-Shabaab.

Warar lagu kalsoon yahay oo aanu ka helnay dadka degaanka ayaa sheegaya in Al-Shabaab ay bam ku tuureen birta telefoonnada ee shirkadda Safaricom taasi oo goysay isgaarsiintii.

War lagu daabacay baraha Al-Shabaab wararka u faafiya ayaa lagu sheegay in ciidankooda ay qabsadeen degaanka Haluuqa , islamarkaana ay  gacanta ku hayaan.

Qof ka mid ah dadka degaanka ayaa sheegay in ciidanka Al-Shabaab ay burburiyeen shirkadaha isgaarsiinta ee ku yaalla degaanka.

Al-Shabaab ayaa weerarro is-daba joog ah ka gaysata gudaha dalka Kenya, waxayna weerarradaasi wadeen tan iyo intii dowladda Kenya ay ciidamada usoo dirtay Soomaaliya