Alshabaab oo weerartay Dad Xoolo dhaqato ah oo kusugnaa koonfurta Gobolka Mudug

Wararka idaacada raadiyo beydhabo ay ka heleyso deegaano ka tirsan Gobolka Mudug ayaa waxaa ay sheegayaan in rag hubeysan oo ka tirsan Al-Shabaab ay werareen dad Reer Guuuraa Xoolo dhaqato ah oo ku sugnaa Koonfurta Gobolka Mudug.

Weerarkaan ayaa ka dhacay inta u dhaxeysa Deegaanada Xinlabi iyo Baraaciise,waxaana Goobjoogayaal ay sheegen in Xubnaha ka tirsan Al-Shabaab ay soo raaceen Gaari TM ah oo ka Shaqeeya inta u dhaxeysa Muqdisho iyo Gaalkacyo.

Saraakiil ka tirsan Ciidamada Galmudug ayaa waxaa ay sheegeen in weearkaas ay Al-Shabaab ku dileen Saddex Ruux halka ay wateen Hal Nin oo kamid ahaa dadka Xoolo dhaqatada ah,waxaana arrintaan la sheegay inay salka ku heyso khilaaf u dhaxeeyey Xoolo Dhaqatada iyo Al-Shabaab.

Wararka ayaa waxaa ay sheegayaan in Shabaab dadka ay weeydiisteen Xoolo,hayeeshee dadka ay diideen taas oo xiisad ka dhex abuurtay Al-Shabaab iyo dadka Xoolo Dhaqatada ah.