Dhaarinta Xildhibaanada Baarlamaanka 11-aad oo lasoo gabogabeeyey

Waxaa magaaladda Muqdisho lagu soo gabogabeeyey Xafladda dhaarinta Xildhibaannada barlamaanka 11-aad ee Jamhuuriyadda Federaalka Soomaaliya, taasi oo ka qabsoontay hoolka teendhada Afisyoone ee magaalada Muqdisho.

 

Xildhibaannada labada Aqal ee Baarlamaanka cusub ee Soomaaliya ayaa maray dhaarta, waxaana dhaarta kadib xildhibaanada ay doorteen Guddoonka KMG ee Labada aqal ee Baarlamaanka Soomaaliya.

 

Guddoomiyaha KMG ee Golaha Shacabka ayaa waxaa loo doortay C/salaan Xaaji Liibaan (Dhabancad, sidoo kale Guddomiyaha KMG ee Aqalka ayaa isna waxaa loo doortay Maxamed Cali Yuusuf (Gaagaab), kuwaasi oo ah labada qof ee ugu da’da weyn labada Aqal.

 

Labada Guddoomiye ee maanta la doortay ayaa waxay sheegeen in Kalfadhiyada Baarlamaanka 11aad ay bilaabanayaan Maalinta Sabtida ah.