Madaxda Maamul Goboleedyada oo ku wajahan Kismaayo

Wararka naga soo gaaraya Magaalada Kismaayo ee Caasimadda KMG ah ee maamulka Jubbaland ayaa waxa ay sheegayaan in halkaasi ay ka socoto qabanqaabadda soo dhaweynta madaxda maamul goboleedyadda.

Madaxweynayaasha maamul goboleedyadda ayaa qaarkood maanta lagu waddo in ay gaaraan Kismaayo.

Madaxda Koonfur Galbeed, Galmudug ,Puntland iyo Hirshabeelle ayaa maanta tagaya Magaalada Kismaayo sidda ay xaqiijiyeen Mas’uuliyiin ka tirsan Jubbaland.

Ammaanka Magaalada Kismaayo ayaa si weyn loo adkeeyay.

Shirkaan ayaa ah Mid xasaasi ah, Maadaama uu xoogeystay Khilaafka u dhaxeeya Madaxda dowladda iyo sidoo kale maamul goboleedyadda.

Waa Shirkii Saddexaad ee yeelanayaan Madaxda maamul goboleedyadda.