Madaxda maamul goboleedyadda oo kusii jeedda Garowe

Shirka Golaha Iskaashiga Maamul Goboleedyada dalka oo saacadaha soo socda shir uga  furmi doona Garowe Gaar ahaan Hoolka Shirarka Wasaaradda Maaliyadda Puntland.

Madaxda Wasaaradda Maaliyadda ayaa wali kuguda jira qaban qaabada goobta uu shirku ka dhacayo iyadoo la filaayo in ay madaxada Maamul Goboleedyadu gaaraan Caasimadda Puntland ee Garoowe

Madaxda maamul goboleedyadda ayaa maanta kusii jeedda Magaalada Garowe Caasimadda maamulka Puntland,halkaasi uu ka furmi doono Shirka Golaha Iskaashiga maamul goboleedyadda.

Shirkaan ayaa waxaa laga reebay Madaxweynaha Hirshabeelle oo horay dowladda dhexe ula heshiiyay, waxaana lagu waddo in kulankaasi looga hadlo qodobo ku aadan Xaaladda Soomaaliya.

Madaxweynaha Galmudug ayaa ka baxay magaalada Gaalkacyo, waxaana uu kusii jeedda Garowe, sidoo kale Madaxweynaha Jubbaland ayaa lagu waddaa in uu maanta gaaro.

Amniga ayaa si weyn loo adkeeyay, waxaana socota soo dhaweynta Madaxda maamul goboleedyadda.