MW Koonfur Galbeed Oo Ingiriiska Kala Hadlay La-Dagaalanka Al-Shabaab

Madaxweynaha Dowlad Goboleedka Koonfur Galbeed Soomaaliya Cabdicasiis Xasan Maxamed Lafta-gareen ayaa kulan la qaatay Wasiirka Arrimaha Afrika ee Xukuumadda Ingiriiska James Duddridge iyo Safiirka Ingiriiska ee Soomaaliya oo gaaray Baydhabo.

Kulanka oo ka dhacay Dugsiga dowladda Ingiriiska ku tababaro Ciidanka Xoogga dalka ee Baydhabo ayaa waxaa looga hadlay arrimo kala duwan sida dib u dhiska Ciidamada Koonfur Galbeed iyo kuwa Xoogga dalka.

Madaxweyne Cabdicaiis Lafta-gareen ayaa Wasiirka Arrimaha Afrika ee Ingiriiska iyo Safiirka sigaar ah ugala hadlay la-dagaallanka Al-shabaab, musuq-maasuqa, horumarinta dhaqaalaha iyo dadaallada dib u heshiisiinta.

Dowladda Ingiriiska ayaa balan qaaday in dowladda Federaalka Soomaaliya iyo maamulka Koonfur Galbeed ay ka taageeri doonaan la-dagaallanka Al-shabaab iyo sidii dib u dhis loogu saameyn lahaa Ciidamada.

Kulanka ka dib Madaxweynaha oo ay wehliyaan wehlinayey Wasiiradda Wasaaraddaha Qorshaynta, Arimaha Gudaha iyo Agaasime ku-xigeenka Madaxtooyada Koonfur Galbeed iyo Madaxda Dowlada Ingiriiska ayaa Kormeerey Ciidan tababar uga socday Xaruntaas.