Taliska Asluubta oo Faahfaahin ka bixiyay wiil dhalinyaro ah oo xabsiga ku dhex dhintay

Taliye ku xigeenka Ciidamada Asluubta Soomaaliyeed ayaa Faahfaahin ka bixiyay wiil dhalinyaro ah oo Xabsiga dhexe ee Xamar ku geeriyooday kasoo ka mid ahaa Maxaabiista ku xiran xabsiga.

Taliyaha ayaa waxaa uu sheegay in wiilkaasi uu geeriyooday ka dib markii ay is dagaalleen wiil ka mid ahaa Maxaabiista ku xiran xabsiga.

Xasan Maxamuud Xasan ayaa lagu magacaabi jiray wiilka geeriyooday.

Wiilka dhintay oo la soo xiray sanadkii 2014-kii ayaa ku eedeysnaa inuu ka tirsanaa Ururka Al Shabaab, waxaana lagu riday xukun sanado ah oo uu xabsiga ku qaatay, walina u dhinaa.

Maydka Marxuumka ayaa wuxuu yaallaa xarunta Xabsiga dhexe ee Xamar, waxaana lagu wadaa maanta oo Sabti ah in la aaso.

Ninkaan ayaa waxaa laga soo qabtay Degmada Hawlwadaag, sanadkii 2014-kii waxaana maxkamadda ay ku xukuntay xukun sanado ah, kadib markii loo soo jeediyay eeda ah inuu Shabaab ahaa.