Video: Calanka Somaliland oo laga taagay QASRIGA boqortooyada Sacuudiga

yCalanka maamulka Somaliland ayaa laga taagay qasriga madaxtooyada boqortooyada dalka Sacuudiga ee magaalada Riyadh, sida ay baahiyeen qaar ka mid ah taleefishinada dalka Sacuudiga.

Calanka Somaliland ayaa kasoo muuqday xaflad uu boqorka Sacuudiga Salman Bin Cabdul Casiis u sameeyey qaar ka mid ah madaxdkii ka qeyb-gashay xajka sanadkan, oo uu ka mid ahaa madaxweyne ku xigeenka Somaliland Cabdriaxmaan Saylici.

Ka sokow calanka laga taagay qasriga, weriyaha taleefishinka Sacuudiga ee warka aqrinaya ayaa Saylici ugu yeeraya “Madaxweyne ku xigeenka Jamhuuriyadda Somaliland”, taasi oo dad badan ka yaabisay.

Lama oga sababta Sacuudiga sidaan u sameeyeen, hase yeeshee xiriirka xulafada Sacuudiga uu hoggaamiyo ee Imaaraadka uu ka mid ah yahay iyo dowladda Soomaaliya ayaa xumaa tan iyo markii dowladdu diiday inay taageerto xulafada ayada oo dhex-dhexaad ka noqotay khilaafka kala dhaxeeya Qatar.

Somaliland oo dekedda Berbera heshiis kula gashay Imaaraadka Carabta ayaa ay si aad ah isugu dhow yihiin Sacuudiga iyo Imaaraadka.

Wasiirka arrimaha dibedda Soomaaliya Axmed Cawad ayaa dhowaan la saftay Sacuudiga markii ay is-qabteen Canada, hase yeeshee ma muuqato in taas ay wanaajisay xiriirka Muqdisho iyo Riyadh